Somnámbulos

Daniel descobre que é somnámbulo o mesmo día que Marcos Portela, un neno con autismo da súa escola, desaparece nos Peares, unha aldea construída aos pés dunha enorme presa. A única esperanza de encontrar a Marcos reside nos estraños episodios de somnambulismo de Daniel, que lle ofrecen pistas para dar co seu paradoiro. Pero a peor tormenta en décadas complica a busca. O tempo acábase e unha catástrofe nunca vista ameaza todo o val. Con ilustracións de José Luis Ocaña.