O pito cairo

“O pito cairo” é un conto popular portugués de estrutura rítmica, repetitiva e circular; axustado ás esixencias da lectura, pero que conserva a frescura da oralidade. No relato sucédense unha serie de acontecementos fantásticos, acumulativos e regresivos.
Ante o descubrimento dunha enorme fortuna, o pito cre que, entregándolle esas riquezas ao rey, gañará a súa simpatía.
Como moitos poderosos que non actúan coa xustiza debida e coa xenerosidade agardada, o monarca desta historia resulta ser o perfecto exemplo da avaricia e da mesquindade.
Finalmente, todo se resolve grazas á astucia do poliño para burlar o rei e á habilidade doutros personaxes que se cruzaran no seu camiño.
Co seu estilo característico, Helle Thomassen crea un conxunto de ilustracións de trazos pouco definidos que destacan polo colorido, a expresividade e o sentido do humor. As accións
transcorren en espazos diversos, enmarcadas ou integradas no texto.