O acontecemento

“Que a forma na que eu vivín esta experiencia do aborto -a clandestinidade- sexa cousa do pasado non me parece un motivo válido para que se siga ocultando”, dixo Annie Ernaux a propósito deste libro. En outubro de 1963, cando se atopaba en Ruán estudando filoloxía, descobre que está embarazada. Dende ese momento sabe que non quere ter a criatura. Está soa nunha sociedade na que o aborto se penaliza con prisión e multa. O texto recolle o horror e a dor dese aborto clandestino. Tradución do francés de Moisés Barcia.