Nomes propios

Relatos breves nos que o protagonismo recae nas mulleres, nos homes e lugares onde se desenvolven as historias. Nalgúns nárranse momentos relacionados co amor nas súas diversas formas, pero tamén vivencias traumáticas como a enfermidade ou o fracaso profesional. Noutros, prodúcese un achegamento a lendas e feitos fantásticos que poden ter un fondo histórico. Igualmente se expoñen temas relacionados co alcoholismo, coa infidelidade ou mesmo coa morte. E hai tamén unha aproximación á nosa rica e variada literatura de tradición oral.