Cousas da vida. Mulleres

As mulleres que debuxou Castelao pertencen fundamentalmente a dous mundos opostos: as aldeás e as finas. Entre as primeiras, aparecen desde a muller que quería ser home para poder xurar ata as que condenan as rapazas que falan cos señoritos, sen esquecerse daquela vella con paraugas e vestida de loito que simboliza a muller pola cal toleaban os homes. Entre as segundas, a muller a quen lle morreu un canciño que se chamaba Fifí, que non se diferenza moito daquela outra que se queixa de que un rapaz que sabe moitísimo teña tanto acento galego.