Chofer de sandías

Simpática historia ambientada nunha gran cidade, alienada e alienante. Pero mesmo en lugares tan hostís acontecen cousas sorprendentes, excepcionais e insólitas. Como que unha humilde semente de sandía agrome, medre, floreza e dea froitos enroscada nunha farola, convertida en parra luminosa. Un texto rimado de Antonio Rubio, traducido e adaptado por Xosé Ballesteros. As ilustracións de Emilio Urberuaga son de intensa paleta cromática, dinamismo nos trazos e enxeñosas achegas gráficas que invitan a imaxinar que un feito aparentemente anódino e desapercibido aos ollos da maioría marque un antes e un despois no día a día.