As malas mulleres

Dura e apaixonante viaxe polo tramo final do século XIX, nunha historia a varias voces. A trama está conducida por Sisca, unha nena de quince anos presa na cadea da Coruña, Concepción Arenal e por Juana de Vega. A narración incorpora “con habelencia elementos poéticos que reforzan unha trama ben estruturada e compensada que enriquece o relato”, segundo destacaron os membros do xurado do Premio Blanco Amor. No texto faise asemade un canto ao papel dos libros e a lectura na mellora da vida das persoas, ao dar esperanza ás desesperadas.