Alguén virá… Romanticismo, memoria e revolución na literatura de Luís Seoane

O marco temporal para estas cavilacións son os frenéticos anos cincuenta: o período de maior produción literaria de Seoane. “Alguén virá…” parte do poemario “As cicatrices” (1959) e, sobre todo, da obra de teatro “A soldadeira” (1957) para establecer un diálogo entre a filosofía da historia coa que o romántico Seoane se defende do momento de perigo que foron para el os anos cincuenta e os textos de Walter Benjamin.