A paisaxe relixiosa

Observando a paisaxe relixiosa atópanse espazos de ritualidade que foron utilizados por persoas de diferentes épocas e culturas para encarar os seus problemas existenciais de acordo coas crenzas e valores. Algúns rituais están asociados con divinidades arcaicas e seguen vivos en costumes populares actuais. Un bo número de mitos e festividades continúan hoxe, unhas veces con outros nomes ou incluso cos mesmos. Esta obra analiza a esencia do feito relixioso como fenómeno colectivo que se mantén nunha parte da paisaxe a través do tempo.