A nota

Eva sempre saía da casa ás présas para chegar a tempo ao colexio. Ao sacar os seus cadernos da mochila, caeu ao chan unha nota. Eva leuna e púxoa enriba do estoxo do seu compañeiro Xosé… Unha nota de contido descoñecido vai pasando dunha persoa a outra e, nese constante cambio de mans, permite coñecer o barrio onde transcorre esta emocionante e divertida historia (edificios, rúas, a escola, o médico, o parque, o subsolo), os seus habitantes (nenos, nais, anciáns, traballadores de diferentes oficios) e distintas formas nas que a nota vai compartindo e espallando a súa intrigante mensaxe. Libro de formato despregable no que as ilustracións de Daniel Montero Galán amplifican o texto de Pilar Serrano.