Verme

“Verme” é o nome que recibe este novidoso dispositivo mecánico capaz de cavar a terra, limpala e fertilizala. Do seu funcionamento encárganse uns operarios vestidos de amarelo que protagonizan unha morea de aventuras. Este divertido libro interactivo sen palabras dos autores de “Balea” é ideal para estimular a agudeza visual e a creación de historias. En formato acordeón, ao despregalo transfórmase nun gran mural de dobre cara. O lector goza esculcando a través do cento de xanelas que se abren sobre o casco deste novo sistema de transporte cara ao fondo da terra. Federico Fernández e Germán González retoman a idea dunha comunidade en movemento, en harmonía coa natureza e que fai da colaboración en igualdade unha forma de vida.