Un café en Bogotá, dúas tumbas en Medellín. Tras dos pasos de García Márquez

Estas páxinas describen un periplo de 45 días polos lugares máis emblemáticos de Colombia, como Bogotá, Cartaxena de Indias, Medellín, Cali ou San Basilio de Palenque, o primeiro territorio libre de América. Unha andaina na que se fala dos problemas dun país sacudido polas guerrillas, as bandas paramilitares e os crimes dos narcotraficantes. Un territorio de abraiante xeografía e ateigado de conxuntos coloniais como Vila de Leyva ou Mompox. Esta viaxe de tres mil quilómetros en solitario, tamén é unha pescuda tras os pasos de Antón Avilés de Taramancos, que viviu naquel país vinte anos, e Gabriel García Márquez, o Premio Nobel máis recoñecido das últimas décadas.