Ser humanos

Fronte á estendida idea de que a intelixencia artificial e a máquina van conquistar o mundo, o que está a levar aos seres humanos a unha posición de derrota, a autora interrógase por que non adoptar unha postura máis activa e valente: a de ser máis humanos. O obxectivo deste ensaio é abrir o debate, invitar ao diálogo e á reflexión persoal. Indaga en que significa ser humano e en se non sería preferible afondar na propia natureza e levala a un nivel superior, en lugar de desafiala e empobrecela. Casal Valiño estima que hai habilidades intrinsecamente humanas que non deben quedar obsoletas e que son as mellores aprendizaxes para responder á incerteza, ao cambio constante da contorna e á complexidade dun mundo globalizado e interconectado.