Sempre en Galiza

Escolma posible Este volume é un eco da Escolma posible realizada por Marino Dónega e publicada por Galaxia en 1964, ano en que a RAG dedicou o Día das Letras Galegas a Castelao, pero que agora incide no pensamento político do rianxeiro, que no primeiro aparecía de xeito minguado e parcial, non seguindo o criterio do antólogo nin da editorial debido ás limitacións impostas polo franquismo. Esta edición cínguese a un único título, Sempre en Galiza, un conxunto de textos de distinto carácter producidos en circunstancias diferentes e dirixidos a públicos diversos. Os elementos que dan unidade á obra son o fondo ideolóxico que a atravesa e a intención de informar da defensa do carácter nacional de Galicia e do seu dereito ao autogoberno. A presente escolma está realizada por Henrique Monteagudo.