Rosalía en familia

Edición ao coidado de Fernando Ramallo, da Universidade de Vigo, que reúne 23 ensaios breves (algúns deles, ilustrados con fotografías históricas) e poemas de X. L. Méndez Ferrín arredor da vida da escritora fundacional do Rexurdimento. Rosalía de Castro en familia, no seu fogar. De primeiras, nai, pai, parella, fillas e fillo. Unha Rosalía revelada inmensa. A orixinalidade deste libro, di a editora, “áchase na reflexión sobre a súa vida coa que Méndez Ferrín nos agasalla”. Desde o nacemento ata o pasamento. Unha Rosalía familiar, unha muller engaliolante e inconfundible.