Rosalía de Castro vista por Manuel Murguía

Edición e notas de Víctoria Álvarez Ruiz de Ojeda, investigadora preocupada pola obra de Rosalía de Castro e a de Manuel Murguía, e prólogo de Xesús Alonso Montero. O libro reúne un material literario especialmente valioso para comprender mellor non poucos aspectos da obra de Rosalía e algúns do carácter e das preocupacións do seu esposo, Manuel Murguía, no centenario do seu pasamento. A esta colectánea engádense dous traballos -pouco coñecidos e importantes- da editora, que conteñen observacións e datos valiosos sobre a visión que Murguía tivo de Rosalía de Castro.