Recuperemos as mans / Evidencias

Edición conmemorativa de “Recuperemos as mans” (1980) e “Evidencias” (1989). Pretende rescatar, poñer en valor e difundir dúas contribucións imprescindibles de María Xosé Queizán como pensadora galega ao debate feminista. Nelas compróbase que gran parte das cuestións que preocupan aínda no presente aparecían xa naquel momento: diferenza sexual, familia, participación na esfera pública, violencia contra as mulleres, lesbianismo, poder, valor, lingua, corpo e desexo, amor e escrita das mulleres, entre outras.