Recortes de risa

Que teñen en común un concerto de música clásica e a lectura dun xornal?. A priori esta pregunta semella o comezo dun chiste mais nesta obra ten moita intención, pois ambos espertan emocións. Con este premisa nace “Recortes de risa”, un conxunto de sete pezas teatrais cómicas inspiradas en sete titulares de prensa. Pezas miúdas sinxelas de ler, que converten esas noticias curiosas en auténticos enredos cómicos, sempre baixo nomes ficticios, pero en cuxas intervencións dos personaxes se evidencia ese costumismo galego, con rexistros coloquiais, e a presenza constante da nosa retranca galega.