Procurando unha vida digna. Prezo xusto e sustentabilidade nas granxas familiares produtoras de leit

Este ensaio ( froito do traballo realizado para a tese doutoral : Tensiones entre los distintos aspectos de la sostenibilidad económica , social y medioambitental : el caso de las explotaciones agropecuarias gallegas) , presenta un percorrido que vai do particular ao xeral en que se parte dun interese – motivado pola relación persoal co obxeto de estudo – en desentrañar as enormes dificultades que desembocan en ocasións incluso na desaparición das propias explotacións . Este percorrido foi posible grazas ao traballo de campo etnográfico realizado en distintas granxas do interior da provincia da Coruña dende o ano 2013 ao 2015. O punto de partida deste traballo é intentar entender cales son as características destas explotacións familiares e que as diferencia doutro tipo de explotacións ou entidades que integran capital e traballo, así como observar que lugar ocupan dentro da economía capitalista e que contradicións e ambigüidades poden xurdir dende ese lugar ou dende as distintas esferas (de mercado, de economía campesiña ou “tradicional”) nas que se enmarcan.