Os médicos tamén enferman

Crónica persoal do ex-alcalde de Santiago e Teo, Martiño Noriega, onde relata o seu regreso á Medicina despois de doce anos na política activa. Escrito entre 2021 e 2024, este libro permite descubrir directamente o sentir dun médico no duro contexto da sanidade pública nestes anos, mais tamén está inspirado nas voces das persoas que escoita cada día na súa consulta de atención primaria. «Na Medicina de Familia reencontreime coa palabra acompañar, co exercicio de escoitar», escribe.