O raposo Renarte e o lobo Grisengrín (Román de Renart)

Unha colección de aventuras dos séculos XII e XIII que satiriza, con agudeza, a sociedade feudal a través dun mundo animal vibrante e complexo. Orixinariamente escritas en lingua romance, céntranse na figura astuta do raposo Renarte. A pesar das variacións de enfoque, estilo e contido, cada relato contribúe a un corpus homoxéneo que se considera parte dunha obra única e en constante evolución. Redactadas por diferentes autores pertencentes ao ámbito clerical, estas narracións revelan unha formación culta e unha visión crítica propia da burguesía emerxente. Destaca o uso dunha linguaxe desinhibida que non rexeita o uso de expresións obscenas nin situacións de sexualidade explícita ou violencia. Tradución, introdución e notas de Henrique Harguindey Banet.