O que estou a dicir cando digo “Altri non”

Xosé de Cea, escritor con raíces palenses e melidao de padrón, aborda a problemática que se deriva do proxecto da multinacional portuguesa Altri e a galega Greenalia para construír en Palas de Rei a fábrica de celulosa soluble máis grande de Europa. Faino dende unha perspectiva radicalmente emocional e subxectiva. Tira de memoria, andainas, lecturas, sentimentos e intuición coa arela de tecer unha trama de reflexións arredor do que supón este proxecto empresarial para un habitante da Terra do Medio, ademais de tentear as actitudes que cómpre esgrimir para enfrontalo.