Nómade./ Rosa Cedrón

Terceiro traballo de Rosa Cedrón (Monforte de Lemos, 1972) como solista. Na alma deste disco están a produción musical de Sergio Moure de Oteyza; a técnica e o baixo de Segundo Grandío,
quen tamén aporta o seu estudo en Casa de Tolos; os violíns do seu irmán e incondicional colaborador Javier Cedrón, e o traballo imprescindible de Miguel Arthus no piano, as voces e a composición da música e letra en oito dos temas. Rosa Cedrón é unha das principais referencias
no ámbito da música galega pola súa voz inconfundible e a súa traxectoria dende o folk máis puro da súa etapa en Luar na lubre (1997-2005) ata a world music que asina os últimos anos da súa carreira en solitario. Nómade defínese coma o «caderno de bitácora que describe as luces e sombras percorridas nunha travesía cara o máis fondo da identidade propia»