Lugo apocalíptico

O enxeño desbordante de Jesús Crende Novoa mostra puntos senlleiros da cidade de Lugo arrasados por un cataclismo. Son ilustracións dixitais, pensadas para o grande formato que tiveron grande acollida nas redes sociais antes de vir parar ao papel. O código visual escollido polo autor axuda a conectar a mozas e mozos co escenario real polo que pasan todos os días, facéndolles ver que o excepcional está tamén no cotián. O obxectivo destas ilustracións é defender, valorar e aprender a respectar o patrimonio histórico artístico e arquitectónico que atesoura a cidade amurallada. Coidar o legado recibido do pasado para coidar da identidade e a memoria colectiva.