Liberdade para o galego

Os autores pregúntanse se abonda coa propia vontade para facer uso da lingua do país ou se existen impedimentos materiais, situacións de coaccións ou condicionantes de calquera tipo que obstaculizan o seu libre desenvolvemento. De seguido tentan achegarse a estas cuestións en relación aos principais ámbitos da vida social, especialmente daqueles en que existen compromisos adquiridos polo Estado ou acordos alcanzados por todas as forzas políticas en Galicia. Advertimos, para comezar, que de xeito incompleto. “A liberdade para o uso do noso idioma está condicionada a se manter sempre baixo a subordinación e secundarización respecto do español”, afirman.