Lectura e discapacidade: que, quen e como

Unha das tarefas dos prescritores de literatura infantil é a de unir esforzos para garantir que todos os nenos e nenas accedan á lectura en igualdade de condicións, sobre todo, á lectura como fonte de pracer. Pero non toda a rapazada ten as mesmas capacidades. A miúdo pensamos na inclusividade como unha utopía, como un ideal que custa moito conseguir por falta de recursos materiais, humanos e económicos. Queremos romper con estes tópicos e concienciar do poder que temos os profesionais e as familias para contribuír á inclusividade plena. A maneira como tratamos ás persoas con discapacidade pode marcar unha diferenza na súa vida como consecuencia diso, na nosa sociedade. Os pequenos cambios xerámolos cada un de nós.