Hibernarse

Neste novo traballo María Soa e Sara Faro convidan a reflexionar sobre o concepto do tempo a través de diferentes prismas e disciplinas artísticas. O tempo non só pasa, tamén se transforma. Fillas de Cassandra propón unha viaxe sonora que se desprega pouco a pouco, coma as estacións, para revelar en cada peza unha nova mirada. Ao vinilo transparente súmase un fanzine creado por María e Sara da man de Kika V. Ramil que permite afondar no universo artístico do dúo.