G

“Greguería, haiku, caligrama, poesía concreta, soneto visual, poesía tipográfica, experimentación… Cousas… Con permiso de Castelao. É do que se compón G, título que fai referencia a Greguería, pero tamén a Galego, a materia coa que está feita a obra. A expresión concreta do idioma representada por unha letra que se converte en homenaxe ao dicionario, ese libro escrito sen grandes palabras, sen maiúsculas, pero que dá entrada a todas as voces, ao H mudo e aos sons excluídos pero non inexistentes na lingua: Y, J, K, W. Un “G” con ou sen gheada e o seu séquito alfabético que aquí se ordena a modo de particular abecedario para enumerar as seis partes do libro”. Do limiar de Xosé Mª Álvarez Cáccano.