Douche a miña palabra

Cunha linguaxe comprensible e chea de anécdotas, Fran Alonso conta neste libro inusual cousas sobre a escrita, a literatura ou a lingua e convida a reflexionar sobre o superpoder da lectura e a importancia de sentir a chamada das palabras. Como se chega a ser escritora ou escritor? Por que se escribe? Pódese vivir sen ler? Pódese aprender a pensar a través da lectura? As palabras poden proer, picar, denunciar as inxustizas, resultar molestas e incómodas. Tamén poden facernos reaccionar. Os escritores e escritoras pelexan coas palabras, míranlles as patiñas nun microscopio e constrúen historias. Ilustrado por Bea Gregores.