De casa queimada

Segundo premio no certame Torre de Caldaloba, este primeiro poemario da autora (Pontevedra, en 1981), profesora de Lingua e Literatura galegas no Morrazo, crea unha penetrante voz poética que reflexiona sobre a infancia, a perda, o paso do tempo ao longo de 34 poemas. O conxunto das composicións xiran arredor da lembranza e a imaxe da vella casa familiar, hoxe perdida, esa “casa queimada” que actúa de suxeito activo e interpela durante toda a obra: “A casa é o lugar onde se soña. / Eu había moito tempo que non conseguía durmir”, escribe nun dos poemas.