Aventuras de Alberte Quiñoi

Subtitulada Novela humorística e de costumes. Desfile de vida campesiña, García Barros retrata nesta obra o correr dos días nunha aldea galega do val do Ulla, nos últimos anos do século XIX, a través das trasnadas e aconteceres do cativo Alberte. Unha obra escrita con intelixencia e fonda sensibilidade, que supera o costumismo a través do humor e cunha forte carga irónica no tratamento de costumes e dos temas relixioso e idiomático. Un espello da vida de gran valor etnográfico e unha crónica miúda dos días e dos oficios.