A vaga dos pratiños voantes

“Eu non creo nos ovnis, pero habelos hainos. O interese, mesmo a fascinación, que os ovnis espertan en moita xente é innegábel. Confeso sentirme atraído pola mitoloxía dos pratiños voantes, por ese “non sei que” de incerta verdade; tamén pola súa narrativa milenarista e orwelliana. Intuídos nun lote de esfumadas fotografías b/n, o seu feitío converteuse nunha icona da chamada cultura popular, símbolo universal do inconsciente (ou do histerismo) colectivo”.