A forma de Célebes

A finais dos anos noventa, Carmiña e Anselmo regresan a terras galegas para pasar unha xubilación sen sobresaltos.
Os seus dous fillos, xa entrados na trintena, semellan ter as súas vidas resoltas, un en Madrid e o outro en Londres. Pero unha chamada telefónica de Suso, o maior, quebra a tranquilidade da que apenas comezaban a gozar. Os temores relacionados cos puntos escuros do pasado mesturaranse cunha desgraza aínda maior que suporá un duro golpe para a familia.
“A forma de Célebes” é unha novela que aborda temas como a adaptación a ambientes novos e a situacións de dureza psicolóxica, así como as relacións dentro e fóra do núcleo familiar, as adiccións e as dificultades de comunicación; todo nun hermético recanto do interior de Galicia a medio camiño entre o urbano e o rural.