A filla de Lucrecia

Lucrecia de León (Madrid, 1567) deu a luz a súa filla nos calabozos toledanos da Inquisición. Con este pé histórico, Xabier Paz escribe a posíbel historia de Alba, filla de Lucrecia. A peripecia de dúas mulleres sinaladas pola xustiza e a loita por sobrevivir nas estremas. A vontade ferreña da nai e as súas habelencias, quer de adiviña quer de parteira axúdanas a manterse até ser acollidas en casa de dona Elvira, viúva mourisca. No ambiente de fanatismo católico sucédense os autos de fe en Granada, onde Alba medra entre dous mundos: o cristián na cidade, e o mourisco dentro da casa. Ao fin, o deprendido cabo da nai e o seu propio temperamento encarreirarán a súa vida, gobernada polo namoro e a seda, nun finximento social contracorrente.