Por que non hei de cantar?

Con motivo do Día das Letras Galegas de 2025, con esta obra a Universidade da Coruña quere render homenaxe a todas as mulleres que conservaron e transmitiron o seu saber a través das cantigas. Preséntase unha escolma de cantares provenientes de áreas en que, máis dun século despois, se asentarían os campus da Coruña e de Ferrol. A UDC contribúe, así, en dar a coñecer un patrimonio inmaterial con escasas equivalencias noutras partes de Europa, ao mesmo tempo que reivindica o papel das mulleres na creación e transmisión dese importante legado cultural e literario.