Pifostio

«Orixinalidade narrativa e temática en estado puro», di desta obra con rotundidade a editora. «O fráxil, o indómito, a violencia, a poesía, o delirio, a forma, o entusiasmo, a agonía, o futuro, a decepción, o inesperado e o cotián. Sesenta e un artefactos con xente atrapada, fantasía de andar pola casa, profesionais que fan o que poden, crueldade, ciencia ficción doméstica, mordacidade, dor e humor (…) É o Pifostio». Samuel L. París (Muros, 1984) é escritor, poeta e músico. Na actualidade dirixe e presenta o programa sobre poesía A Catapulta, en colaboración co Salto Galiza. Foi baixista da Terbutalina desde a súa formación ata 2017, banda coa que publicou sete traballos discográficos e coa que actuou en centos de concertos. Durante un ano tamén foi baixista en Thee Blind Crows, cos que publicou tres discos.