A cociña galega

Segundo volume da colección conmemorativa do 75 aniversario da Editorial Galaxia. “A cociña galega”, de Álvaro Cunqueiro publicouse en 1973 por vez primeira. Para esta edición recupérase cun limiar de Javier Olleros, cociñeiro do restaurante Culler de Pau de O Grove, recoñecido con dúas estrelas Michelin, e con ilustracións de Maruxa Caeiro. Co seu saber enciclopédico e cun fermoso alento literario Cunqueiro escribe as mellores páxinas sobre a gastronomía galega, polas que transitan lampreas, queixos, mariscos, empanadas, porcos, caldos, verduras e, por suposto, os viños.