A banda que ninguén coñece

Un álbum divertido e gamberro ideal para compartir con prelectores e primeiros lectores. Uns estraños personaxes chegan nunha furgoneta. O primeiro ten mirada de moucho, o segundo perruca de la, o terceiro gorro de gala e a cuarta unha voz sorprendente. Ante a mirada atónita dos habitantes do lugar, despregan os seus misteriosos artefactos e comezan a tocar. Sons estridentes, compases atolados, moi pouco afinados, con voces sen alento. Unha nova proposta da ilustradora alemá Nadia Budde repleta de situacións dispa­ratadas, xogos de palabras e rimas delirantes para imaxinar a historia dun particu­lar grupo de rock: A banda que ninguén coñece. Un álbum diferente, protagonizado por personaxes argalleiros, do máis diverso e disparatado, en tradución de Xosé Ballesteros.