Anos 80. Movida, Atlantismo, Vangardismo, Underground

Percorrido por esa década intensa e rupturista que marcou o futuro da música e das artes en Galicia. Aínda que a música é o eixe central do libro, fanse paradas na contracultura, o “faino ti mesmo”, os fanzines, o audiovisual, a poesía e a plástica. Foron tempos efervescentes en que proliferaron os camiños alternativos e subterráneos, e onde tivo lugar unha transformación radical, tanto da sociedade como das artes.