Vacacións na casa de tío Drácula

Á mansión do conde Drácula chega o seu sobriño para pasar uns días de vacacións. Durante a súa estadía o sobriño escribirá un diario no que, ignorante da verdadeira natureza do seu excéntrico tío, relata as aventuras deste, así como as relacións co seu fillo, o primo Francis. O libro enfronta, nun ton paródico, a inocencia do cativo coa vida transgresora e algo disipada do misterioso Conde.