Analfabeta

“Teño cinco anos e xa sei ler e escribir. A maioría dos meus compañeiros ten seis e non len nin escriben tan ben coma min. Mesmo hai un neno que apenas le e só escribe o seu nome. Eu chámolle analfabeto e os meus compañeiros rin. Pero el non. Tampouco se enfada. Non sabe que é o peor insulto do mundo”, di o protagonista. Un álbum ilustrado por Dani Padrón para lembrar que hai aprendizaxes máis importantes que ser o primeiro en saber ler.