Mururoa

Novela que afonda no comportamento humano, individual e colectivo, diante de noticias que afectan no máis profundo do noso ser coma se fosen a explosión dunha bomba atómica. Iria desaparece sen deixar rastro, pero si un profundo desacougo na súa familia que, de súpeto, aprende que significa a palabra “amor” logo dunha vida en que cada quen ía ao seu. A desaparición da moza levará a todos a reflexionar sobre os seus sentimentos e a dependencia coas persoas do arredor. Ao tempo, algo pasa na vila, que tronza o cotián e que lembra ás xentes do lugar a vulnerabilidade máis absoluta fronte a unha falsa sensación de protección.