Corpos. As outras vidas do cadáver

No canto de relatar a historia humana a través da vida, Erica Couto-Ferreira convida a facelo a través da morte, non en van “a lóxica da existencia humana confirma que pasaremos máis tempo mortos que vivos”. A autora amosa neste ensaio as formas en que se trataron os cadáveres, como se conservaron para a posteridade e mesmo como se escribiu sobre eles. A autora é doutora en Historia, especializada no Próximo Oriente Antigo.