Memoria do Vigo proletario. 50 aniversario da folga xeral de semtembro de 1972

Velaquí unha crónica rigorosa daquel setembro vermello vigués de 1972 do que se celebra o 50 aniversario. A maior mobilización obreira da historia de Galicia en que, do 9 ao 26 de setembro, máis de quince mil obreiros foron á folga e reivindicaron polas rúas da cidade os seus dereitos fronte ao réxime franquista. Aquelas multitudinarias xornadas de solidariedade e protesta deron lugar a unha feroz represión patronal e policial, con centos de despedimentos, ducias de detencións e torturas. Este libro quere recuperar aquel esquecido espírito do 72, a orgullosa e reivindicativa conciencia de clase daquel proletariado olívico, e, asemade, homenaxealo, para que sirva de exemplo e semente para as xeracións futuras.