O club dos catro emes

Madán Lamboné ten o feo costume de lles xogar malas pasadas aos pequenos clientes da tenda de larpeiradas que rexenta fronte ao parque, o sitio ao que acoden a diario case todos os nenos de Pomares. Matilde, Manuel e as dúas Marías deciden darlle un escarmento e crean unha asociación secretísima, O Club Dos Catro Emes. Mentres planean a súa vinganza, descobren que Madán Lamboné ten un grave problema familiar que os fará cambiar de plans para tentar axudala, confirmar que as cousas non sempre son o que parecen e que hai xogos aos que é mellor non xogar. As ilustracións son de Paula Blumen.