Os soños de Miguel

As transformacións no mundo rural galego na década dos anos setenta do pasado século e a historia de Miguel, un mozo orfo de nai criado polos avós baixo unha disciplina férrea baseada na autoridade propia da ditadura franquista, son o pano de fondo do relato. Despois dun misterioso accidente sufrido polo pai, Miguel vese na obriga de levar o peso do traballo que se fai na casa duns bos labradores como son os de Branco. Con todo, el nunca deixa de soñar cun proxecto de vida que lle permita habitar a aldea dignamente. Nin o desengano amoroso, nin o tráxico acontecemento que lle cambia a vida conseguirán afastalo do camiño. Son os anos en que Galicia pasaba do autoconsumo a figurar entre as zonas máis importantes de Europa en produción de leite.