XelArias. A palabra á intemperie

Que é unha poeta? Como nace? Como é no colexio, na casa, na vida? A través dunha conversa a tres bandas, Emma Pedreira e Laura Romero presentan a Xela Arias, poeta, tradutora, docente, letrista e, sobre todo, muller transgresora, homenaxeada no Día das Letras 2021. Poemas a dúas voces, colaxes e ilustracións para recuperar e coñecer a figura dunha das voces máis interesantes e, se cadra, descoñecidas da literatura. Di Emma deste libro diferente e un pouco punk: «Non quero facer unha biografía ao uso. Quero falar dunha poeta, que podería ser outra, que podería ser ata eu mesma e non, é Xela e eu con Xela ou Xela en min e, por aí, ando debullando o íntimo dos seus versos nos meus». Con ilustracións de Laura Romero.