Verso e acorde. Relacións entre literatura galega e música pop (1950-2000)

Unha obra na que Alberto Pombo deita moita luz sobre as relacións entre a literatura e a música galegas. Indaga no nacemento da música infantil, nas orixes do pop galego, a identificación entre o folk e a música celta a finais dos 70, o papel das orquestras que tocan no campo da festa e en como se conformaron o rock, o punk, o bravú ou o heavy metal de base literaria. Nunha rigorosa investigación aborda tamén a pegada que deixou a canción protesta e social, e a popularización do disco vinilado cara a finais dos anos 50, entre outros moitos temas.