Un cesto de mazás : memoria das vítimas do 36 e do tempo que veu

Este libro recolle dezaseis historias de represión contadas por persoas moi próximas ás protagonistas. O libro vai máis alá dos feitos, da guerra, do asasinato, do fusilamento, das torturas. O texto afonda nas consecuencias que a represión tivo para as viúvas, as nais, os pais, as criaturas que quedaban orfas. Do seu sentir, do ronsel da memoria e dor que arrastraron tras de si e que é preciso rescatar do esquecemento.