Rectificar a historia. Escritos sobre Ricardo Carvalho Calero

Ricardo Carvalho Calero non ten data de caducidade ou data de validade. Este libro é tributario deste recoñecemento e ilumina aspectos fundamentais da dedicación do profesor á lingua galega, á creación literaria e ao estudo da literatura como arte fundamental da nación galega. Para a autora cómpre continuar a honrar a figura de Carvalho porque a súa vida e traxectoria abranguen un século XX á galega do que el foi testemuña e/ou protagonista; porque é artífice directo e perseverante da construción cultural galega dese século; por ser o escritor da súa xeración que máis e mellor contribuíu ao engrandecemento da literatura galega en todos os xéneros e porque a súa obra estritamente de creación literaria (poesía, teatro, narrativa) abondaría, alén da súa inmensa obra científica, para lle consagrar unha atención máis aló do Día das Letras.